حتى تركيا وصلها الطش!!!الحجب على طريقة هارون يحيى...

السيد عدنان أوكطار "هارون يحيى" ،اللي واحل في قضية ممكن يضرب فيها كمشة سنين حبس، رفع قضية بموقع ريشارد داوكنز قال شنوة سي ريشارد ينتقد في الكتاب متاعو "أطلس الخلق"!!!!
هو إنو السيد هذايا يرفع قضية من النوع هذايا موش مستغرب من هذا النوع من الناس التي تستغل الدين لجني المال وتكون ثروة من غباء المتدينين.
لكن المشكلة إنو المحكمة في تركيا تحكم لصالح هذا المدعي وتطالب مشغل الإتصالات في تركيا بتنفيذ حجب على الموقع!!!
هذا الخبر كما أوردته الجاردين البريطانية
وكيما هو مكتوب في الخبر السيد هذا ما كانتش هذي تجربتوا الأولى مع حجب المواقع (السيد متمرس في هالميدان)

It is the third time Oktar and his associates have succeeded in blocking sites in Turkey.

In August 2007 Oktar persuaded a court to block access to WordPress.com. His lawyers argued that blogs on WordPress.com contained libelous material that the company was unwilling to remove.

Last April, he made a libel complaint about Google Groups, which was subsequently blocked.

He failed to ban Dawkins' book the God Delusion in Turkey after a court rejected his claims that it insulted religion.

السيد هذا السيد سبق إنوا أقنع المحكمة إنها تأمر بحجب موقع المدونات Wordpress.com ومواقع Blogger يعني كان تقعدلوا الأنترنت في تركيا توة يقص عليهم المواقع الكل كان اللي ترضا عليها مؤسسة "هارون يحيى".
ظاهرلي حالنا في تونس أهون برشة من هكة عالأقل ما فماش محكمة هي اللي تمنع الموقع وتحجبهم أهوكة تحت حس مس وقيد على 404.
الحاجة اللي تنرفز بالرسمي هي كي تعرفوا إنو السيد هذا دخل لمستشفى للأمراض العقلية عام 1986 وقعد فيه لمدة 19 شهر.
توة اش باش يقول الواحد !!! مهبول يحكم في الأنترنت في تركيا ويفرق في الكتب، الكتاب المزمر يسوى ما يسوى، تصاور بالألوان ونوعية ورق من أجود الأنواع، بلوشي "لله".
شيء يدوخ!!!!